Воспитательная и идеологическая работа КЕЛДиМП
22 кастрычніка 2020 года студэнты 1 курса спецыяльнасці «Пачатковая адукацыя» дзённай формы навучання педагагічнага факультэта сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыеўнай наведалі музей Максіма Багдановіча.
Пад час экскурсіі ўсе прысутныя пачулі шмат цікавых звестак з жыцця Максіма Багадановіча, паслухалі яго вершы; а пад час агляду інтэр’еру пакояў змаглі адчуць атмасферу, якая панавала ў сям’і Багдановічаў.
Свае ўражанні пасля экскурсіі студэнты выказалі пры напісанні эсэ «Загадка Максіма Багдановіча», якое дапоўнілі рознымі творчымі працамі: буклетамі, часопісамі, малюнкамі, газетамі, кніжкамі-разгорткамі.
10 сакавіка 2020 года студэнты 1 курса дзённай формы навучання спецыяльнасці «Дашкольная адукацыя» сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыеўнай наведалі музей Максіма Багдановіча.
Пад час тэатралізаванай экскурсіі «Марыя Апанасаўна запрашае» наведвальнікі пачулі шмат цікавых звестак з жыцця сям’і Багадановічаў, мелі магчымасць пагуляць у фанты і даведацца аб лекавых травах, з якіх заварвалі гарбату, якую ўсе, дарэчы, пакаштавалі тут жа, у музеі.
Добры настрой і незабыўныя ўспаміны – гэта тое, што засталося ў экскурсантаў пасля наведвання музея.
Напярэдані Дня роднай мовы студэнты спецыяльнасці «Пачатковая адукацыя» сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыеўнай стваралі музей беларускай мовы. Для таго, каб яшчэ раз адчуць, наколькі багатая і мілагучная родная мова, усе ўдзельнікі чыталі вершы, слухалі беларускую музыку. Так музей напаўняўся гукамі, ажываў… І матчына мова гучала шчымліва і напеўна словамі Ларысы Геніюш:
Мая мова, як шчасце на вуснах,
хвалявання гарачы прыбой,
можа быць, на чужой засмяюся,
ўсё ж заплачу з тугі на сваёй…
27 лістапада 2019 года, напярэдадні дня нараджэння класіка беларускай літаратуры Максіма Багдановіча, які прыпадае на 9 снежня, студэнты першага курса спецыяльнасці «Пачатковая адукацыя» сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д. Грынько пабывалі ў музеі, які носіць імя нашага знакамітага земляка.
Пад час экскурсіі наведвальнікі пачулі шмат цікавага пра асаблівасці сямейнага выхавання ў доме Багдановічаў, пра загадкавы і непаўторны лёс паэта, яго вершаваную спадчыну. Па традыцыі ўражанні ад наведвання музея Максіма Багдановіча студэнты выразілі ў сваіх творчых працах.
9 кастрычніка 2019 года студэнты 4 курса спецыяльнасці «Пачатковая адукацыя» сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д. Грынько наведалі Музей гісторыі Гарадніцы.
Вывучаючы тэхналогію музейнай педагогікі непасрэдна ў музеі, будучыя настаўнікі пачатковых класаў змаглі ацаніць станоўчыя бакі экскурсійнай дзейнасці гэтай установы і паглыбіцца ў гісторыю горада Гродна ХVIII-XIX стагоддзя.
Группа СДП-НО-182 педагогического факультета вместе с куратором Гадзаовой Светланой Викторовной отметила Международный день театра посещением спектакля Гродненского областного драматического театра.
Студенты также познакомились с выставкой костюмов «Волшебный дар» и выставкой фотографий «О театре».
19 сакавіка 2019 года студэнты 1 курса спецыяльнасці «Лагапедыя» сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыеўнай наведалі музей Максіма Багдановіча, дзе іх чакала тэатралізаваная экскурсія «Марыя Апанасаўна запрашае».
Экскурсанты даведаліся шмат цікавых падрабязнасцей пра сямейнае выхаванне ў доме Багдановічаў, а таксама сталі ўдзельнікамі гульні ў фанты і пачаставаліся зёлкавай гарбатай. Напрыканцы наведвання навуковы супрацоўнік музея Плюта А.І. распавяла студэнтам аб музейных занятках, якія прапануюцца вучням рознага ўзросту ў музеі.
21 лютага 2019 года на педагагічным факультэце прайшла традыцыйная акцыя «Далучайся!» у гонар Міжнароднага Дня роднай мовы.
Міжнародны Дзень роднай мовы (International Mother Language Day) быў абвешчаны Генеральнай канферэнцыяй UNESCO 17 лістапада 1999 года і адзначаецца кожны год з лютага 2000 года.
Асноўным дэвізам акцыі стаў заклік: «Калі ты ЗА тое, што кожны беларус павінен ведаць сваю мову – ДАЛУЧАЙСЯ!»
У фае вучэбнага корпуса №6 (вул.Захарава, 32) студэнткі педагагічнага факультэта прапаноўвалі студэнтам і выкладчыкам выцягнуць і прачытаць хутгаварку. Не ўсім хуткагаворкі на роднай мове даваліся з першага разу. Таксама падчас акцыі чыталіся добразнаёмыя вершы Якуба Коласа і Янкі Купалы. Усе ўдзельнікі акцыі напрыканцы пакідалі свае пажаданні на спецыяльна падрыхтаваным плакаце.
Арганізатарамі акцыі выступілі дацэнт кафедры прыродазнаўчых і лінгвістычных дысцыплін і методык іх выкладання А.М. Лапкоўская і куратар групы 3 курса спецыяльнасці «Пачатковая адукацыя» М.І. Блюднік.
https://vk.com/album-43970737_259872653
1 снежня 2018 года, напярэдадні дня нараджэння Максіма Багдановіча, студэнты 4 курса спецыяльнасці «Пачатковая адукацыя» педагагічнага факультэта сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыеўнай наведалі музей, які носіць імя нашага славутага класіка.
Пад час наведвання музея, дзе была прадстаўлена тэатралізаваная экскурсія «Марыя Апанасаўна запрашае», студэнты змаглі ўсвядоміць змест тэмы «Спецыфіка сямейнага выхавання» па дысцыпліне «Педагогіка сямейнага выхавання», а таксама «адчуць» атмасферу, якая панавала ў сям’і будучага паэта Максіма Багдановіча.
21 лістапада 2018 года студэнты 1 курса спецыяльнасці «Пачатковая адукацыя» сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д. Грынько наведалі музей Максіма Багдановіча, дзе ім расказалі аб жыццёвым і творчым шляху класіка беларускай літаратуры, дзіцячыя гады якога прайшлі ў Гродна.
Пасля экскурсіі наведвальнікам падрабязна расказалі аб музейных занятках, якія праводзяцца ў музеі для школьнікаў рознага ўзросту, асаблівую ўвагу звярнулі на тыя заданні, якія прапаноўваюцца вучням 1-4 класаў. Такім чынам студэнты змаглі не толькі атрымаць эстэтычнае задавальненне, захапіцца цікавай інфармацыяй, але і глыбей асэнсаваць і ўсвядоміць тэму па педагогіцы «Сродкі навучання, іх тыпы і функцыі», якую яны вывучаюць самастойна.
