Воспитательная и идеологическая работа КЕЛДиМП
20 снежня 2016 года на педагагічным факультэце адбыўся святочны вечар, прысвечаны 125-годдзю з дня нараджэння Максіма Багдановіча, які прайшоў пад назвай «Смерці ў паэта няма – ёсць нараджэнне». Арганізатарамі мерапрыемства выступілі дацэнты кафедры прыродазнаўчых і лінгвістычных дысцыплін і методык іх выкладання З.М.Тамашэвіч, Г.У.Крофта, А.М.Лапкоўская.
Выкладчыкі і студэнты чыталі вершы паэта, класіка беларускай літаратуры, згадвалі яго жыццёвы і творчы шлях. Студэнткі педагагічнага факультэта Карына Млыноўская, Ірына Варэнік і Ірына Козіч, а таксама госця з факультэта мастацтваў Анастасія Ляскоўская падрыхтавалі прыгожыя музычныя нумары: прагучалі песні «Зорка Венера», «Свяча», «Каляднае», «Скандынаўская песня», «Па-над белым пухам вішняў». Танцавальны калектыў педагагічнага факультэта выступіў з харэаграфічнай кампазіцыяй «Маёвая песня».
У цёплай, сяброўскай атмасферы госці і ўдзельнікі вечара дакрануліся да беларускага Слова, да Паэзіі, атрымалі цудоўныя ўражанні і новыя веды.
Шостага снежня, на пярэдадні святкавання 125-годдзя з дня нараджэння Максіма Багдановіча, якое прыпадае на 9 снежня 2016 года, студэнты 1 курса спецыяльнасці «Пачатковая адукацыя» сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыеўнай наведалі музей Максіма Багдановіча.
Падчас экскурсіі прысутныя даведаліся шмат цікавых фактаў з жыцця паэта, пазнаёміліся з яго творчасцю, праслухалі некаторыя яго вершы. Таксама ім расказалі пра методыку правядзення музейных заняткаў для вучняў пачатковых класаў, каб потым, будучы настаўнікамі, яны прыводзілі ў музей сваіх выхаванцаў.
Пры вывучэнні студэнтамі 1 курса спецыяльнасці “Пачатковая адукацыя” тэмы “Мінеральныя рэсурсы Беларусі” па дысцыпліне “Прырадазнаўства” старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д.Грынько была арганізавана экскурсія (16.11.2016 і 18.11.2016) ў народны мінералагічны музей “Карат”, які знаходзіцца ў сярэдняй школе №16 горада Гродна.
Студэнты з захапленнем праслухалі інфармацыю пра мінералы і горныя пароды, якія размешчаны ў музеі: легенды пра паходжанне, звесткі пра каштоўнасць і выкарыстанне ў прамысловасці, а таксама проста цікавыя гісторыі, звязаныя з прадстаўленымі экспанатамі. Падрабязна і цікава пра камяні расказалі У.А.Жанюк, кіраўнік музея, прафесійны геолаг, і Л.І.Табачнікава, экскурсавод.
2 чэрвеня 2016 года кафедра прыродазнаўчых і лінгвістычных дысцыплін і методык іх выкладання далучылася да рэспубліканскай акцыі «Чытаем разам, чытаем па-беларуску!» Вечар, які прайшоў пад назвай «Чытаем разам вершы пра каханне», стаў заключным у шэрагу мерапрыемстваў, арганізаваных у межах Дзён кафедры. Яго ўдзельнікамі сталі студэнты педагагічнага факультэта, а таксама выкладчыкі: А.М.Лапкоўская, А.К.Гачко, Г.У.Крофта, З.М.Тамашэвіч, С.В.Грымута, А.А.Брусевіч.
Выступоўцы абралі для выканання творы, якія яны палічылі сугучнымі свайму светаўспрыманню, таму вершы былі досыць разнастайнымі: узнёслымі і рамантычнымі, трагічнымі, напоўненымі горыччу расстання, і нават камічнымі. Думаецца, усім запомнілася трагічна-смяшлівая гісторыя закаханага студэнта, напісаная А.Лойкам, якой адкрыла вечар Зоя Міхайлаўна Тамашэвіч. Са сцэны прагучалі творы вядомых паэтаў – Я.Янічшыц, К.Буйло, С.Грахоўскага, М.Багдановіча, А.Куляшова, Д.Бічэль-Загнетавай і іншых, а таксама вершы, напісаныя самімі ўдзельнікамі вечара.
Традыцыйна мерапрыемствы акцыі «Чытаем разам, чытаем па-беларуску!» завяршаюцца супольным чытаннем вядомага твора. На гэты раз ім стала «Зорка Венера» Максіма Багдановіча.
Падчас мерапрыемства таксама адбылося ўзнагароджанне пераможцаў факультэцкіх алімпіяд па беларускай і рускай мовах і агульнафакультэцкага дыктанта.
Кафедра естественнонаучных и лингвистических дисциплин и методик их преподавания педагогического факультета при поддержке туристического бюро «Региональный центр туризма» и центра интернационализации образования ГрГУ имени Янки Купалы организовала учебную экскурсию в Национальный парк «Беловежская пуща» для иностранных студентов.
В музее природы Национального парка экскурсанты познакомились с флорой и фауной Беларуси. Затем последовала прогулка к вольерам с дикими животными, где студенты смогли увидеть и беловежского зубра.
Следующим пунктом экскурсии стал Каменец, где расположена знаменитая башня XIII века. Экскурсанты также посетили бывшую резиденцию рода Сапег в Ружанах.
Участники экскурсии обогатились новыми знаниями о природе, истории и культуре Беларуси, лучше узнали страну, в которой они сейчас живут и учатся.
С 21 марта 2016 года в учебно-методическом кабинете образовательных технологий педагогического факультета открыта выставка научных и творческих работ сотрудников кафедры естественнонаучных и лингвистических дисциплин и методик их преподавания.
Кавинкина Ирина Николаевна, заведующий названной кафедрой, с группой 3 курса специальности «Начальное образование» посетили выставку. Студенты были поражены и приятно удивлены творческими способностями преподавателей.
У межах Дзён навукі і творчасці кафедры прыродазнаўчых і лінгвістычных дысцыплін і методык іх выкладання на педагагічным факультэце адбылася літаратурна-мастацкая вечарына «Творца ў часе і па-за часам», прысвечаная 120-годдзю з дня нараджэння Кандрата Крапівы, арганізаваная выкладчыкамі кафедры Г.У.Крофта, А.М.Лапкоўскай, А.К.Гачко, З.М.Тамашэвіч.
На вечарыну былі запрошаны настаўнікі і вучні пачатковых класаў ДУА «Сярэдняя школа №32 г.Гродна», дацэнт кафедры беларускай літаратуры Пётр Іванавіч Маляўка. Таксама на вечарыну завіталі старшыня першаснай студэнцкай арганізацыі «Белая Русь», метадыст 2 катэгорыі аддзела падтрымкі і рэалізацыі маладзёжных праектаў і ініцыятыў УВРзМ Сяргей Алегавіч Іваноў і в.а. начальніка аддзела інфармацыйна-аналітычнага і метадычнага забяспячэння ідэалагічнай і выхаваўчай работы УВРзМ Вераніка Іосіфаўна Кузьміч.
Вядучыя літаратурна-мастацкай вечарыны пазнаёмілі прысутных з жыццёвым і творчым шляхам Кандрата Крапівы, расказалі пра некаторыя цікавыя выпадкі з жыцця пісьменніка. У выкананні студэнтак педагагічнага факультэта прагучалі частушкі на ваенную тэматыку. Цікава, што адзін з дасціпных крапівоўскіх вершаў пад назвай «Чырвоная мятла добра мяла» стаў асновай папулярнага ў час вайны партызанскага верша, які потым зрабіўся частушкай:
Мы з фашысцкім б’ёмся гадам,
Каб не бачыў ён Масквы:
Ты штыком, а я прыкладам –
І фашыст без галавы.
У выкананні танцавальнага калектыву «Фантазёры» ДУА «Сярэдняя школа №32 г.Гродна» (кіраўнік – Наталля Мікалаеўна Астапчык) былі выкананы народны танец «Васілёчкі» і танец «Чаму ж не скакаць?»
Студэнты тэатральнага калектыву педагагічнага факультэта «Летуценнік» інсцэніравалі ўсім знаёмыя байкі Кандрата Крапівы – «Дзед і баба», «Шляхі да ісціны», «Дыпламаваны баран».
На прыканцы вечара загадчык кафедры прыродазнаўчых і лінгвістычных дысцыплін і методык іх выкладання Ірына Мікалаеўна Кавінкіна ўручыла сертыфікаты і памятныя падарункі пераможцам конкурса для школьнікаў “Шануйце родную мову”.
На педагагічным факультэце прайшоў вечар «Нам сняцца сны пра Беларусь», прысвечаны першаму дэкану педагагічнага факультэта Антону Іосіфавічу Рагойшу, які арганізавалі і правялі дацэнт кафедры прыродазнаўчых і лінгвістычных дысцыплін і методык іх выкладання Зоя Міхайлауна Тамашэвіч і старшы выкладчык гэтай жа кафедры Таццяна Міхайлаўна Гімпель.
На вечарыну былі запрошаны Іван Платонавіч Мартынаў, доктар фізіка-матэматычных навук, прафесар, Павел Раманавіч Галуза, кандыдат псіхалагічных навук, дацэнт, якія цёплымі словамі ўспомнілі асобу Антона Іосіфавіча, расказалі пра яго шмат цікавага і павучальнага для сучасных выкладчыкаў і студэнтаў.
Свае ўспаміны пра Антона Іосіфавіча Рагойшу выказалі дацэнты кафедры прыродазнаўчых і лінгвістычных дысцыплін і методык іх выкладання Ганна Серафімаўна Сідарчук і Зоя Міхайлауна Тамашэвіч, старшыя выкладчыкі кафедры Таццяна Міхайлаўна Гімпель і Пётр Лявонавіч Навіцкі.
На вечарыне гучалі песні і вершы ў выкананні студэнтаў педагагічнага факультэта, а таксама аспіранта Пэн Шэня.
19 лютага 2016 года ў гонар Міжнароднага дня роднай мовы студэнтамі педагагічнага факультэта пад кіраўніцтвам дацэнта кафедры прыродазнаўчых і лінгвістычных дысцыплін і методык іх выкладання А.М.Лапкоўскай і выкладчыкам гэтай жа кафедры М.І.Лойка была арганізавана і праведзена традыцыйная акцыя «Далучайся!»
Тэмай сёлетняй акцыі стала наступнае выказванне: «Маё першае слова – РАДЗІМА. А якім будзе тваё першае слова на роднай мове?»
У гэты дзень у фае вучэбнага корпуса па вул.Захарава, 32 гучалі вершы і песні на беларускай мове, студэнткі педагагічнага факультэта сустракалі з віншаваннямі ўсіх, хто прыходзіў у корпус, і прапаноўвалі пакінуць на плакаце яблык, запісаўшы на ім слова на беларускай мове.
У акцыі прынялі ўдзел беларускія і замежныя студэнты, выкладчыкі і супрацоўнікі ўніверсітэта.
28 снежня 2015 года ў студэнцкім інтэрнаце па вул. Пралетарскай адбылася гутарка “Па старонках літаратурнай Гродзеншчыны”, арганізаваная выкладчыкамі кафедры прыродазнаўчых і лінгвістычных дысцыплін і методык іх выкладання А.К.Гачко, І.М.Кавінкінай, Г.У.Крофта. Студэнты пачулі цікавыя факты аб жыцці і творчасці пісьменнікаў і паэтаў. Гучалі вершы, напісаныя класікамі і сучаснымі аўтарамі.
Гасцямі сустрэчы сталі студэнткі філалагічнага факультэта Аліна Паўлоўская і Вікторыя Смолка, аўтары зборнікаў вершаў. Маладыя паэткі падарылі слухачам свае шчырыя, глыбокія, прыгожыя творы.
І.М.Кавінкіна арганізавала флэшмоб “Чытаем гродзенскіх пісьменнікаў”, падчас правядзення якога кожны ўдзельнік мог зразумець, што жыццё – гэта тэкст, які магчыма прачытаць па-рознаму, і што з хаосу таксама нараджаюцца ўпарадкаванасць і новы сюжэт.
