10 мая 2018 года старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыенай сумесна са студэнтамі 4 курса спецыяльнасці «Пачатковая адукацыя» былі падведзены вынікі конкурсу «Музей маёй сям’і».
Кожны студэнт стаў пераможцам конкурсу ў пэўнай намінацыі: «Цікавыя традыцыі і шчодрасць сэрцаў», «Цеплыня адносін і роднасць душаў», «Духоўны скарб», «Радасць і каханне без межы», «Надзея і апора», «Маё жыццё», «Шчырасць і еднасць сэрцаў», «Мой дом і мая крэпасць», «Крыніца натхнення і творчасці», «Шчасце быць дома».
Таксама студэнты падрыхтавалі прэзентацыі пра сябе, свае здольнасці і захапленні. Гэта і вышываныя крыжыкам карціны, і малюнкі, і мастацкія фотаздымкі, а таксама кулінарныя вырабы, песні і вершы, расказы пра сваё майстэрства ў дэкоры і візажы.
