22 красавіка 2025 года студэнты педагагічнага факультэта ўдзельнічалі ў конкурсе аратарскага майстэрства «ЛАГАСФЕРА–2025», які быў прысвечаны 85-годдзю ГрДУ імя Янкі Купалы, 80-годдзю Перамогі ў Вялікай Айчыннай вайне і аб’яднаў удзельнікаў з трох факультэтаў: гісторыі, камунікацыі і турызму, педагагічнага і юрыдычнага. Падрыхтоўка студэнтаў ажыццяўлялася выкладчыкамі кафедры прыродазнаўчых і лінгвістычных дысцыплін і методык іх выкладання С.Д. Грынько і Г.У. Крофтай.
Конкурс пад агульнай тэматыкай «Пра Беларусь з любоўю» складаўся з двух этапаў: «Самапрэзентацыя» і выразнае чытанне вершаў і прозы пад назвай «Мне лепей ад роднага краю нічога на свеце няма».
Студэнты педагагічнага факультэта атрымалі дыпломы ў наступных намінацыях:
«За сцэнічнасць і акцёрскае майстэрства» – Ясюк Валерыя, студэнтка 1 курса спецыяльнасці «Пачатковая адукацыя»;
«За выразнасць і яркасць маўлення» – Харытонава Дамініка, студэнтка 1 курса спецыяльнасці «Пачатковая адукацыя»;
«За арыгінальнасць падачы матэрыялу» – Бялоцкая Мілана, студэнтка 1 курса спецыяльнасці «Пачатковая адукацыя»;
«За ўмелае выкарыстанне сродкаў маўленчай выразнасці» – Дубіцкая Паліна, студэнтка 1 курса спец. «Пачатковая адукацыя»;
«За ўменне весці дыялог з залам» – Воранава Марыя, студэнтка 3 курса спецыяльнасці «Пачатковая адукацыя».
