4 красаівка 2025 года студэнты 2 курса спецыяльнасці «Пачатковая адукацыя» дзённай формы навучання педагагічнага факультэта сумесна з куратарам групы старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д. Грынько наведалі выставу «Пра што маўчаць лялькі», якая адкрылася ў Гродзенскай абласной навуковай бібліятэцы імя Я.Ф. Карскага (аддзел мастацтва).
Усіх прысутных зацікавіла інфармацыя пра гісторыю стварэння лялек, іх разнавіднасці ў Беларусі і за яе межамі. Свае веды пра лялькі і іх паходжанне студэнты змаглі праверыць падчас вітарыны, якая была праведзена з імі ў канцы экскурсіі.
