24 лютага 2025 года студэнты 1 курса спецыяльнасці «Пачатковая адукацыя» педагагічнага факультэта (СДП-НО-249) сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д.Грынько сталі ўдзельнікамі паэтычнага вернісажу «Табе, Alma mater, я песню складаю», арганізаванага навуковай бібліятэкай з нагоды 85-годдзя ГрДУ імя Янкі Купалы.
Наведвальнікі змаглі паглыбіцца ў гісторыю Купалаўскага ўніверсітэта, праслухаць шмат паэтычных радкоў, якія прысвяцілі сваёй роднай навучальнай установе студэнты, магістранты, выпускнікі і супрацоўнікі.
