5 снежня 2024 года студэнты 2 курса спецыяльнасці «Пачатковая адукацыя» педагагічнага факультэта сумесна з куратарам групы старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д. Грынько падчас інфармацыйнай гадзіны наведалі перадсвяточную выставу ў навуковай бібліятэцы ГрДУ імя Янкі Купалы «Пакуль гадзіннік б’е дванаццаць».
Аб эстэтычнай ролі гадзіннікаў і аб тым, як яны «расказваюць» аб прафесіі і захапленнях людзей цікава і займальна распавеў прысутным дырэктар навуковай бібліятэкі М.У. Грынько, які адзначыў, што самая галоўная мэта выставы – стварыць святочным настрой усім наведвальнікам.
