20 лістапада 2024 года студэнты 2 курса спецыяльнасці «Пачатковая адукацыя» дзённай формы навучання сумесна з куратарам групы старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д. Грынько наведалі музей «Хрысціянскія каштоўнасці і народныя традыцыі ў сям’і» у сярэдняй школе №38 імя Кірылы Тураўскага горада Гродна.
Экскурсанты былі ўражаны, што тут ёсць аж чатыры залы: «Народныя традыцыі ў сям’і», «Хрысціянскія каштоўнасці ў сям’і», «Сімвалы эпохі», «Святыні зямлі беларускай». Кіраўнік музея С.Ю. Ходар эмацыянальна і пераканаўча расказала пра важнасць музейна-педагагічнай дзейнасці ва ўстанове адукацыі, пра тэматыку музейных заняткаў і інфармацыйных гадзін, якія праводзяцца, а таксама пра значэнне хрысціянскіх каштоўнасцей у выхаванні патрыятызму ў навучэнцаў.
