2 красавіка 2024 года інфармацыйная гадзіна ў студэнтаў 1 курса спецыяльнасці «Пачатковая адукацыя» дзённай формы навучання педагагічнага факультэта прайшла ў незвычайным месцы і з вельмі цікавым чалавекам – Ганнай Віктараўнай Ракіцкай, псіхолагам-практыкам у галіне экзестэнцыяльнай псіхалогіі, заснавальнікам «Студыі спакою і добрага настрою», кандыдатам псіхалагічных навук, дацэнтам.
Тэма для абмеркавання – «Поспех у прафесіі – аснова ўнутранай гармоніі чалавека» – як пра прафесію, так і пра асобу, пра месца чалавека ў свеце.
Усё пачутае для прысутных было карысна. Коратка Ганна Віктараўна расказала пра сябе: ад студэнцкіх год на педагагічным факультэце да працы на пасадзе дэкана факультэта псіхалогіі. Сёння Г.В. Ракіцкая – індывідуальны прадпрымальнік, кіраўнік студыі, куды людзі звяртаюцца, каб палепшыць сваё жыццё. Шмат даведаліся студэнты пра сутнасць экзестэнцыяльнай псіхалогіі, пра неабходнасць асэнсавання сутнасці свайго жыцця, пра важнасць радасці ў жыцці чалавека і пра тое, як важна педагогу быць шчаслівым чалавекам, каб выхоўваць іншых.
