5 сакавіка 2024 года студэнты 4 курса спецыяльнасці «Пачатковая адукацыя» дзённай формы навучання педагагічнага факультэта сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыеўнай наведалі музей Максіма Багдановіча.
Менавіта тут на матэрыяле тэатралізаванай экскурсіі «Марыя Апанасаўна запрашае» яны вывучалі тэму «Сутнасць і спецыфіка сямейнага выхавання» па дысцыпліне «Педагогіка сямейнага выхавання». Экскурсанты змаглі не толькі адчуць атмасферу, якая панавала ў сям’і будучага класіка беларускай літаратуры, але і даведацца шмат цікавага пра зёлкі, якія выкарытоўваліся пры заварванні гарбаты ў той час, пагуляць у фанты. Чаяванне напрыканцы экскурсіі і гутарка пра магчымасці выкарыстання сродкаў музея ў выхаванні і навучанні малодшых школьнікаў дапамаглі стварыць своеасаблівы цёплы настрой усім прысутным.
