24 лістапада 2023 года студэнты 1 курса спецыяльнасці «Пачатковая адукацыя» дзеннай формы навучання педагагічнага факультэта разам з куратарам Святланай Дзмітрыеўнай Грынько наведалі музей Максіма Багдановіча.
Падчас экскурсіі студэнты даведаліся шмат цікавага пра жыццё і творчасць класіка беларускай літаратуры, які ў дзяцінстве жыў у горадзе Гродна. Новай і вельмі актуальнай стала для экскурсантаў інфармацыя пра музейныя заняткі, якія праводзяцца тут для малодшых школьнікаў. Наперадзе ўсіх чакае не менш цікавае заданне – эсэ «Загадка Максіма Багдановіча».
