26 кастрычніка 2023 года студэнты 1 курса спецыяльнасці «Пачатковая адукацыя» педагагічнага факультэта сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Святланай Дзмітрыеўнай Грынько наведалі мінералагічны музей «Карат», які знаходзіцца ў ДУА «Сярэдняя школа №16 імя А.Сухамбаева».
Менавіта тут экскурсанты змаглі засвоіць веды па тэме «Карысныя выкапні Беларусі», даведацца шмат цікавых фактаў пра паходжанне і выкарыстанне мінералаў, шлях якіх ад утварэння да распаду можна параўнаць з жыццём чалавека. Экскурсавод Галіна Раманаўна Паўлючык змагла зацікавіць усіх прысутных як гісторыяй стварэння музея, так і прыкладамі з уласнага жыцця, звязанымі з набыццём камянёў і іх выкарыстаннем.
