11 кастрычніка 2023 года студэнты 1 курса дзённай формы навучання спецыяльнасці «Пачатковая адукацыя» педагагічнага факультэта сумесна с куратарам Святланай Дзмітрыеўнай Грынько, старшым выкладчыкам кафедры прыродазнаўчых і лінгвістычных дысцыплін і методык іх выкладання, наведалі шмат цікавых і памятных мясцін у горадзе Гродна: Свята-Пакроўскі кафедральны сабор, вуліца Элізы Ажэшкі, галоўны корпус Гродзенскага дзяржаўнага універсітэта імя Янкі Купалы, парк імя Ж.Э.Жылібера, вуліца Савецкая, фотазона на вуліцы Найдуса, плошча Савецкая, мемарыял «Фара Вітаўта».
Экскурсія «Гродна – гэта мой горад» завершылася кароткай віктарынай, падчас якой студэнты адказалі на некалькі пытанняў па гісторыі «каралеўскай Гародні».
