21 верасня 2023 года студэнты 1 курса спецыяльнасці «Пачатковая адукацыя» дзённай формы навучання педагагічнага факультэта сумесна с куратарам Святланай Дзмітрыеўнай Грынько, старшым выкладчыкам кафедры прыродазнаўчых і лінгвістычных дысцыплін і методык іх выкладання, наведалі Гродзенскую абласную навуковую бібліятэку імя Я.Ф.Карскага, дзе змаглі стаць удзельнікамі экскурсіі па фотавыставе «Памяць у сэрца стукае», прысвечанай генацыду беларускага народа ў гады Вялікай Айчыннай вайны.
Акрамя фотавыставы ўсе наведвальнікі пачулі шмат цікавай інфармацыі пра гісторыю будынка, у якім знаходзіцца бібліятэка, пра працу розных аддзелаў гэтай установы, пра яе фондасховішчы. Самым цікавым для усіх прысутных стаў фонд рэдкай кнігі, дзе можна было ўбачыць унікальнае факсімільнае выданне «Бібліі» Францыска Скарыны, а таксама творчыя працы бібліятэкараў па вырабу такіх кніг.
