Напярэдадні Дня бібліятэк Беларусі, які святкуецца 15 верасня, студэнты 1 курса спецыяльнасці «Пачатковая адукацыя» дзённай формы навучання педагагічнага факультэта сумесна с куратарам Святланай Дзмітрыеўнай Грынько, старшым выкладчыкам кафедры прыродазнаўчых і лінгвістычных дысцыплін і методык іх выкладання, наведалі філіял Гродзенскай абласной навуковай бібліятэкі імя Я.Ф.Карскага, які знаходзіцца ў доме-музеі Элізы Ажэшкі.
Усіх прысутных чакала цікавая праграма, падрыхтаваная супрацоўнікамі гэтай установы: экскурс у гісторыю бібліятэк, цікавыя і займайльныя пытанні і заданні, звязаныя з выданнем кніг, вядомымі літаратурнымі творамі і іх персанажамі, прыказкамі і прымаўкамі пра ролю кніг у жыцці чалавека.
