10 сакавіка 2023 года студэнты 5 курса спецыяльнасці «Пачатковая адукацыя» завочнай формы навучання педагагічнага факультэта сумесна са старшым выкладчыкам кафедры прыродазнаўчых і лінвістычных дысцыплін і методык іх выкладання Святланай Дзмітрыеўнай Грынько наведалі музей Максіма Багдановіча.
Падчас экскурсіі студэнты даведаліся шмат цікавага пра жыццё і творчасць класіка беларускай літаратуры, які жыў з сям’ёй у горадзе Гродне, калі быў зусім маленькім хлапчуком.
Напрыканцы экскурсіі студэнтам падрабязна расказалі пра музейныя заняткі, якія праводзяцца для школьнікаў рознага ўзросту супрацоўнікамі гэтага музея. Экскурсантам былі прапанаваны заданні, якія выконваюць вучні на занятках. Такім чынам студэнты засвоілі тэму «Музейныя заняткі і ўрокі ў музеях», якая вывучаецца ў межах дысцыпліны «Сучасныя адукацыйныя тэхналогіі».
Студэнтам, якія прыехалі з Туркменістана, было таксама вельмі цікава пачуць гісторыі з жыцця сям’і Багдановічаў, а таксама новыя для іх словы па-беларуску. Зёлкавая гарбата і гасціннасць супрацоўнікаў музея нікога не пакінулі раўнадушнымі.
