23 лістапада 2022 года студэнты 1 курса дзённай формы навучання спецыяльнасці «Пачатковая адукацыя» педагагічнага факультэта сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Святланай Дзмітрыеўнай Грынько наведалі музей у ДУА «СШ №32 г. Гродна імя Т.Р. Ларыёнавай».
Экскурсанты даведаліся аб гісторыі стварэння экспазіцыі «Белыя анёлы на чорнай вайне», аб формах і метадах работы музея педагагічнага профілю са школьнікамі рознага ўзросту. Асабліва зацікавілі іх экспанаты, якія можна было патрымаць у руках і падрабязна разгледзець.
