18 кастрычніка 2022 года студэнты 1 курса спецыяльнасці «Пачатковая адукацыя» дзённай формы навучання сумесна са старшым выладчыкам кафедры прыродазнаўчых і лінгвістычных дысцыплін і методык іх выкладання Святланай Дзмітрыеўнай Грынько сталі ўдзельнікамі мерапрыемства «Адам Ягоравіч Багдановіч – беларускі этнограф, педагог, мемуарыст», прымеркаванага да Дня бацькі.
У сакавіку бягучага года бацьку Максіма Багдановіча споўнілася б 160 год. Удзельнікі мерапрыемства даведаліся пра гродзенскі перыяд жыцця сям’і Багдановічаў з вуснаў Марыі Апанасаўны, маці паэта, у ролі якой выступіў супрацоўнік музея. Яна ж падзялілася з прысутнымі рэцэптамі прыгатавання лекавай гарбаты з засушаных зёлак.
У другой частцы мерапрыемства прынялі ўдзел выхаванцы ДУА «Дзіцячая музычная школа мастацтваў №1 імя Ю.В.Семянякі г.Гродна», якія выканалі песні, прысвечаныя ўсім мамам і татам. Студэнты Жвірбля Эльвіра, Лупач Елізавета, Рынкевіч Вікторыя, Сініца Ульяна, Ярашэвіч Кацярына падрыхтавалі і прачыталі ўспаміны Адама Ягоравіча Багдановіча пра выхаванне дзяцей у іх сям’і, дзе яскрава былі прадстаўлены педагагічныя погляды вядомага этнографа.
