10 лістапада 2021 года студэнты 1 курса спецыяльнасці «Дашкольная адукацыя» дзённай формы навучання сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Святланай Дзмітрыеўнай Грынько наведалі музей Максіма Багдановіча, дзе сталі актыўнымі ўдзельнікамі тэатралізаванай экскурсіі «Марыя Апанасаўна запрашае».
Экскурсантаў чакала цікавае апавяданне пра сямейнае выхаванне ў доме Багдановічаў, пра ўласцівасці лекавых траў, якія выкарыстоўвала Марыя Апанасаўна, таксама было прапанавана панюхаць сабраныя зёлкі і падзяліцца сваім вопытам іх выкарыстання пры лячэнні захворванняў. Усе наведвальнікі змаглі паўдзельнічаць у гульні ў фанты і пакаштаваць смачную зёлкавую гарбату.
