Старшы выкладчык кафедры прыродазнаўчых і лінгвістычных дісцыплін і методык іх выкладання Святлана Дзмітрыеўна Грынько стала ўдзельнікам аўтарскага семінара знакамітага педагога Шалвы Аляксандравіча Аманашвілі і яго сына Паата «Тата, мама і я», які адбыўся ў Гродна 18-19 сакавіка 2017г.
У межах лекцый на працягу двух дзён прадстаўнікі гуманнай педагогікі закраналі праблемы выхавання сучасных дзяцей, раскрывалі сутнасць прыроды маленькіх прадстаўнікоў нашай планеты, будучыня якой у многім залежыць ад іх. На працягу сустрэчы былі праведзены кансультацыі з бацькамі, якія маюць праблемы з выхаваннем дзяцей. Дабрыня, гумар, шчырасць і простасць парад заварожвалі зал…
Кожны ўдзельнік семінару мог у перапынках паміж лекцыямі пагутарыць і ўзяць аўтограф у сусветна вядомага педагога.
