Cтаршы выкладчык кафедры прыродазнаўчых і лінгвістычных дысцыплін і методык іх выкладання П.Л.Навіцкі
прыняў удзел у мастацкай культурна-асветніцкай вечарыне «Адвечнае слова»
6 верасня 2015 года ў актавай зале Свята-Пакроўскага сабора адбылася мастацкая культурна-асветніцкая вечарына «Адвечнае слова», якая была падрыхтавана да Дня беларускага пісьменства.
Падчас сустрэчы і святары, і навукоўцы вызначалі непарыўную гістарычную і жывую духоўную сувязь нашага пісьментсва і хрысціянскага слова.
Пётр Лявонавіч Навіцкі, старшы выкладчык кафедры прыродазнаўчых і лінгвістычных дысцыплін і методык іх выкладання, ў сваім выступленні падрабязна раскрыў пытанні гісторыі ўзнікнення стараславянскай мовы, пра ахвяру і подзвіг братоў Кірыла і Мяфодзія, пра тое, што Кірыл быў аўтарам глаголіцы (асноўная версія), якая была для яго – «справай асабістага натхнення», а кірыліца атрымала сваю назву як знак пашаны ад удзячных вучняў, хучэй за ўсе, другога пакалення. Петр Лявонавіч наглядна патлумачыў сувязь паміж кірыліцай і глаголіцай, паказаў, што асноўнай троіцай знакаў, на якіх будуецца глаголіца, з’яўляюцца: крыж, трохкутнік і кола, што адсылае нас да дагматычных асноў праваслаўнай веры – Крыж, Троіца, Вечны Бог.
Напрыканцы свайго выступлення Пётр Лявонавіч Навіцкі праілюстраваў гучанне стараславянскай мовы, прачытаўшы ўрывак з Астрамірава евангелля. У многіх узнікла ўражанне яднання нашых моў: польскай, літоўскай, рускай, беларускай, – хрысціанскай духоўна-лінгвістычнай саборнасці.
