10 лістапада 2023 года на базе філіяла кафедры прыродазнаўчых і лінгвістычных дысцыплін і методык іх выкладання педагагічнага факультэта ў ДУА «Сярэдняя школа №32 імя Т.Р.Ларыёнавай г.Гродна» старшы выкладчык С.Д. Грынько правяла практыка-арыентаваныя заняткі са студэнтамі 4 курса спецыяльнасці «Пачатковая адукацыя» дзённай формы навучання па дысцыпліне «Сучасныя адукацыйныя тэхналогіі».
Тэма «Музейная педагогіка як інавацыйная педагагічная тэхналогія. Экскурсійна-выставычная дзейнасць музеяў» была вывучана непасрэдна ў школьным музеі «Белыя анёлы на чорнай вайне». Гэта адна з форм музейна-педагагічнай дзейнасці са студэнтамі, якую выкарыстоўвае Святлана Дзмітрыеўна, а таксама адзін з метадаў вывучэння адукацыйных тэхалогій – «пагружэнне» ў працэс іх выкарыстання.
Кіраўнік музея Занеўская Алена Сцяпанаўна падрабязна расказала ўсім прысутным аб формах работы музея, аб дзейнасці яго савета і спецыфіцы вядзення навуковых даследаванняў і фондавай працы. Другая частка заняткаў была прысвечана прызертацыям студэнтаў – створаным віртуальным музеям, якія можна выкарыстоўваць у навучанні і выхаванні малодшых школьнікаў.
