1 снежня 2022 года старшым выкладчыкам кафедры прыродазнаўчых і лінгвістычных дысцыплін і методык іх выкладання Святланай Дзмітрыўнай Грынько былі праведзены на базе ДУА «Сярэдняя школа №39 імя І.Д.Лебедзева» практыкаарыентаваныя заняткі на тэмы «Музейная педагогіка як інавацыйная адукацыйная тэхналогія» і «Экскурсійна-выставачная дзейнасць музеяў» са студэнтамі 4 курса спецыяльнасці «Пачатковая адукацыя» педагагічнага факультэта.
Музейна-педагагічная дзейнасць, якая выкарыстоўвалася ўвесь час навучання, была ўзгадана і знайшла сваё творчае ўвасабленне ў выставе музеяў беларускай мовы, выкананых навучэнцамі яшчэ на першым курсе. Адкрыццём і кульмінацыяй лекцыі стала прэзентацыя віртуальнага музея Міхася Васілька, створанага студэнткай Анастасіяй Радзько – праўнучкай вядомага паэта і грамадскага дзеяча Гродзеншчыны сярэдзіны ХХ стагоддзя. Вершы Міхася Васілька на розныя тэмы дэкламавала Анастасія Бурчык. Ілюстрацыяй захавання памяці аб дзейнасці паэта стала стэндавая выстава «Літаратурны Гродна», якую можна аднесці да міні-музея.
На занятках прысутнічалі школьнікі, якія вучацца ў педагагічных класах, а таксама педагог-псіхолаг ДУА «Сярэдняя школа №39 імя І.Д.Лебедзева» Назіра Камбараўна Сідлярэвіч.
