25 сакавіка 2021 года ў музеі Максіма Багдановіча старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д.Грынько праведзены заняткі па дысцыпліне «Педагогіка сямейнага выхавання» са студэнтамі 4 курса спецыяльнасці «Пачатковая адукацыя» педагагічнага факультэта.
Тэму «Сутнасць і спецыфіка сямейнага выхавання» наведвальнікі вывучалі пад час тэатралізаванай экскурсіі «Марыя Апанасаўна запрашае», дзе яны даведаліся шмат цікавага аб тым, як выхоўвалі дзяцей у сям’і Багдановічаў, якая атмасфера панавала ў іх доме. Свае ўражанні і высновы па вывучаным матэрыяле студэнты прадставілі ў творчых працах на адукацыйнай платформе ўніверсітэта (фотакалажы, газеты, прэзентацыі).
