14 снежня 2017 года прадстаўнікі педагагічнага факультэта прынялі ўдзел у Дні гуманітарнага аддзялення Лідскага каледжа УА «Гродзенскі дзяржаўны ўніверсітэт імя Янкі Купалы».
Студэнты педагагічнага факультэта Дар’я Вайцяховіч (3 курс спецыяльнасць «Пачатковая адукацыя», навуковы кіраўнік – Н.С. Міхайлава, кандыдат педагагічных навук), Ганна Квасоўка (4 курс спецыяльнасць «Дашкольная адукацыя», навуковы кіраўнік – А.В. Чэкіна, кандыдат педагагічных навук), Краўчук Вікторыя (4 курс спецыяльнасць «Лагапедыя», навуковы кіраўнік – Н.І. Акапян, магістр педагагічных навук) выступілі з навуковымі дакладамі на канферэнцыі «Я – малады даследчык».
Дацэнт кафедры прыродазнаўчых і лінгвістычных дысцыплін і методык іх выкладання, каардынатар прафарыентацыйнай работы Г.У. Крофта разам са студэнткай 4 курса спецыяльнасці «Пачатковая адукацыя» Карынай Млыноўскай правялі прафарыентацыйную сустрэчу, на якой пазнаёмілі навучэнцаў выпускных курсаў каледжа з правіламі паступлення, напрамкамі прафесійнай падрыхтоўкі, асаблівасцямі навучальнага працэсу на педагагічным факультэце.
