17 мая 2015 года для студэнтаў 1 і 2 курсаў рэгіянальным цэнтрам турызму ГрДУ імя Янкі Купалы і выкладчыкамі педагагічнага факультэта А.К.Гачко і Г.У.Крофта была арганізавана экскурсія ў г.Мінск.
Першым прыпынкам стаў музей гісторыі Вялікай Айчыннай вайны. Экскурсантаў уразілі панарамныя інсталяцыі падзей ваенных часоў, багацце экспазіцый, тэхнічныя магчымасці музея.
У Нацыянальнай бібліятэцы Рэспублікі Беларусь студэнты і выкладчыкі наведалі музей кнігі, дзе прадстаўлена гісторыя кнігадрукавання – ад старажытных фаліянтаў да рэдкіх выданняў ХХ стагоддзя. Незабыўныя ўражанні засталіся ад пад’ёму на аглядную пляцоўку.
Апошняй падзеяй паездкі стаў прагляд оперы В.А.Моцарта “Чароўная флейта” у Нацыянальным акадэмічным Вялікім тэатры оперы і балета Беларусі.
