7 кастрычніка 2026 года студэнты 1 курса спецыяльнасці «Пачатковая адукацыя» педагагічнага факультэта сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Святланай Дзмітрыеўнай Грынько наведалі СШ №35 імя М.А. Волкава г. Гродна, дзе іх сустрэў Ігар Валянцінавіч Патэнга, былы дырэктар гэтай установы і сённяшні кіраўнік школьнага музея.
Усе прысутныя з цікавасцю слухалі яго аповед пра дзейнасць гістарычнага музея «Памяць захоўвае», якая ў першую чаргу накіравана на ваенна-патрыятычнае выхаванне школьнікаў. Таксама Ігар Валянцінавіч расказаў наведвальнікам пра спецыфіку работы школьнага музея, яго утварэнне, пашпартызацыю і функцыі членаў савета гэтай установы. Такім чынам студэнты засвоілі тэму «Музеі і архівы ў краязнаўстве Беларусі» па дысцыпліне «Асновы краязнаўства».
