15 снежня 2025 года старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д. Грынько была арганізавана экскурсія па горадзе Гродна для студэнтаў 1 курса спецыяльнасці «Пачатковая адукацыя» педагагічнага факультэта (група СДП-НО-258) у межах выкладання дысцыпліны «Асновы краязнаўства».
Гісторыя горада зацікавіла ўсіх прысутных сваёй незвычайнасцю і багаццем на падзеі: стварэнне Медыцынскай акадэміі і прафесійнага тэатра Антоніем Тызенгаўзам, закладанне батанічнага саду Жанам Эмануілам Жыліберам, літаратурная і мецэнацкая дзейнасць Элізы Ажэшкі, гісторыя ўзнікнення Гродзенскага дзяржаўнага ўніверсітэта імя Янкі Купалы, архітэктурныя помнікі XVIII і пачатку ХХ стагоддзя і многае іншае.
