20 лютага 2025 года студэнты 4 курса спецыяльнасці «Дашкольная адукацыя» дзённай формы навучання педагагічнага факультэта сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання С.Д. Грынько наведалі музей Максіма Багдановіча.
Падчас экскурсіі «Марыя Апанасаўна запрашае» студэнты вывучалі на прыкладзе сям’і Багдановічаў тэму «Традыцыі сямейнага выхавання ў беларускіх сем’ях». Развіццёвыя гульні і цацкі, хатняя атмасфера, узаемаадносіны бацькоў і іх уплыў на дзяцей – ўсе гэтыя факты сведчылі пра асаблівасці выхаваўчага працэсу ў доме будучага класіка беларускай літаратуры.
