28 кастрычніка 2025 года студэнты 1 курса спецыяльнасці «Пачатковая адукацыя» дзённай формы навучання педагагічнага факультэта сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Грынько Святланай Дзмітрыеўнай наведалі мінералагічны музей «Карат», дзе змаглі на аснове экспазіцыі вывучыць тэму «Карысныя выкапні Беларусі».
Адміністратар музея Паўлючык Людміла Раймундаўна расказала наведвальнікам шмат цікавага пра ўтварэнне мінералаў у зямных недрах, пра выкарыстанне іх у вытворчасці.
















