3 кастрычніка 2025 года студэнты 4 курса спецыяльнасці «Пачатковая адукацыя» сумесна са старшым выкладчыкам кафедры прыродазнаўчых і лінгвістычных дысцыплін і методык іх выкладання Святланай Дзмітрыеўнай Грынько наведалі Музей Максіма Багдановіча і сталі ўдзельнікамі тэатралізаванай экскурсіі «Марыя Апанасаўна запрашае».
Падчас агляду музейнай экспазіцыі і цікавага аповеду экскурсавода (ад імя маці Максіма Багдановіча) усе прысутныя змаглі ўявіць атмасферу, якая панавала ў доме будучага класіка беларускай літаратуры. Такім чынам студэнты засвоілі тэму «Сутнасць і спецыфіка сямейнага выхавання» па дысцыпліне «Педагогіка сямейнага выхавання». Па традыцыі напрыканцы экскурсіі ўсе частаваліся гарбатай на аснове лекавых траў.
