28 красавіка 2017 года ў Гродна прайшоў фольк-конкурс «Гарадзенская Беларусачка – 2017». Тытул «Гарадзенская Беларусачка 2017» атрымала выпускніца педагагічнага факультэта спецыяльнасці «Пачатковая адукацыя. Сацыяльная работа» Анастасія Трафімчык.
Падчас конкурсу дзяўчаты прайшлі некалькі выправаванняў: бліц-апытанне на беларускай мове, кулінарны і творчы конкурсы, дэфіле і нумар чэрлідынгу. Журы пытала, якую кнігу дзяўчаты напісалі б пра Гродна, які фільм знялі б, што сказалі б турысту, якіх гродзенскіх музыкаў яны ведаюць і якой суперздольнасцю магла б валодаць беларуская супергераіня.
На творчым конкурсе ўдзельніцы паказвалі танцавальныя нумары, спявалі і чыталі вершы. Ацэньвала дзяўчат выключна мужчынскае журы.
